علقت الفنانة شيرين عبد الوهاب، على قرار عودتها للفن، وتراجعها عن الاعتزال قائلة: "للناس اللي بتحبني ولجمهوري العظيم والفنانيين اللي أسروني بأخلاقهم العالية وبقلبهم الكبير تراجعت عن قراري عشانهم.. والله ما كنت بعمل كدا علشان أعمل دعاية إعلانية.. وأنا كنت ولازلت أحب أخصص وقت لولادي وأقعد معاهم وأقرب منهم جدًا".

وأضافت ، في تسجيل صوتي لها: "خصوصا إن بنتي قالت رسالة بصوتها لما شافتني زعلانة بإن قرار عودتها كان طلب منهم وأنها كانت مقصرة في حقهم، بس في نفس الوقت في أسباب كتير اتقالت ظالمة وملهاش أى أساس من الصحة، وأنا بحترم الصحفيين في كل الوطن العربي وبقولهم شكرًا على الاهتمام الكبير اللى أحاطوني بيه وشكرًا.. والخيرة فيما أختاره الله .. وإن شاء الله أكون قد المسئولية الكبيرة اللي أنا اتحطيت فيها وألف شكر ليكم ولكل الناس" .